అభివృద్ది

ఆకాశమంత ఎత్తున్న చెట్లని నరికించి

ఆకాశహర్మ్యములు కట్టించి వాటిపైకెక్కి

ఆత్మహత్య చేసుకోమనేదే అభివృద్ది

అడవితల్లిని అగ్నిదేవునితో అన్యాయంగా ముడిపెట్టి

పచ్చని వనాన్ని చితిమంటల స్మశానంగా మార్చి

బిల్డింగులు కట్టి అందులో బానిసలను నెట్టి 

డాలర్లను అడుక్కోమంటుంది అభివృద్ది

ఊళ్ళ కోసం రోడ్లను వేయడం కాదు

రోడ్ల కోసం ఊళ్ళకు ఊళ్ళే మాయం 

చేయమంటుంది మాయదారి అభివృద్ది

బానిసలచే పాలింపబడినంత కాలం

బానిసలలా ఆలోచించినంత కాలం

బానిస బ్రతుకుల నుంచి బయటపడనంత కాలం

బానిస స్వామ్యం ఇచ్చే అభివృద్ది ఇదే ...